Autostrade A4: ancjemò un incident mortâl

Incident mortâl su la autostrade A4. La tragjedie e je sucedude pôc prime des 5.30 di martars dopomisdì ae altece di Puart, in direzion Triest, dulà che une Bmw e à dât dentri in maniere violente un mieç pesant. Ducj i doi a levin dilunc de corsie di marcje, dulà che a jerin ralentaments. Pal conducent de veture nol è stât nuie di fâ. La vitime al è Maurizi Durì, 48 agns, maridât e pari di doi fîs, manager di une aziende specializade in dispositîfs medics. L’autist dal mieç pesant che al traspuartave troncs di len, un 57enne cravuat, al è vignût fûr salf. Dopo dal incident, il trat tra Sant Stin e Puart al è restât a dilunc sierât in direzion Triest par consintî lis operazions di socors e metude in sigurece. (A.I.) – 19.10.2022