Auto cuintri il pal de iluminazion cheste matine pôc dopo lis 11 cuant che in Vie Fermi a Segrât une veture e je lade fûr di strade sfracassantsi. A son intervignûts, di là di une ambulance, ancje une scuadre de sede centrâl des Vuardiis dal fûc di Gurize.
Cuant che lis Vuardiis dal fûc a son rivadis sul puest, la vuidadore dal veicul incidentât e jere za su la ambulance dulà che i sanitaris a jerin daûr a prestâi lis primis curis. Lis Vuardiis dal fûc duncje a àn proviodût ae metude in sigurece dal veicul e dopo il distac de alimentazion, fate de bande dai tecnics de aziende eletriche, doprant la autogru, che intant e jere stade fate rivâ sul lûc dal incident, a àn dislontanât il pâl malsigûr e mitût in sigurece la aree. (A.D.G.) – 26.05.2023
