Auto intal sdrup a Sudri, fermade di un arbul

da Alessandro Di Giusto

Une auto, cun cinc personis dentri, e je lade jù îr aes 11.30 di gnot intun sdrup, fasint un svol di une desene di metris. Par fortune il veicul, dopo vê sfonderât il parecjar, si è fermât cuintri un arbul.

L’incident al è sucedût su la Sp 123, intal teritori di Sudri. Dentri de veture a jerin cinc zovins, trê oms e dôs feminis, che a lavorin intes struturis alberghieris dal Çoncolan. Doi di lôr a son jessûts di bessôi de machine. Chei altris trê, invezit, a son restâts blocâts dentri. Par tirâju fûr lis vuardiis dal fûc a àn doprât pinzis e divaricatôrs idraulics. Un dai fantats, citadin ucrain, al à ripuartât feridis gravis e, par chest, al è stât puartât cu la ambulance tal ospedâl di Udin.

I rilêfs a son stâts fats dai carabinîrs di Paluce, intervignûts sul puest intun ancje cul personâl dal Socors alpin. (a.d.g.) – 12.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui