Auto e va fûr strade e si ferme intal zardin di une cjase a Magnan

Une auto e je jessude di strade tor lis 2 di dopomisdì di vuê a Magnan daspò vê batût cuintri di un pâl de lûs. L’incident al è sucedût dilunc de Pontebane ae altece dal numar 26, indulà che a son rivâts daurman di Glemone i sanitaris dal 118 e i pompîrs, intant che di Faedis a son rivâts i carabinîrs.

Il vuidadôr, un om di 76 agns di Triest, par fortune nol à patît consecuencis grivis, ma dut câs al è stât puartât cul elicotar tal ospedâl di Udin. La foto e je stade fate di Daniele Paroni. (a.d.g.) – 25.09.2025