Auto e precipite intun sdrup in Alte Vâl Dogne, muart il conducent

Tragjedie in Alte Val Dogne, dulà che une Fiat Panda e je precipitade dilunc di un sdrup inte zone di Plan dai Spadovai.

Nuie di fâ pal om di 72 agns che al viazave di bessôl inte utilitarie. Il svol al è stât trement: la cjadude e je stade di plui o mancul cent metris. Di aciertâ lis motivazions dal parcè l’om al volant al vedi pierdût il control de veture. A dâ l’alarme a jerin stâts i parincj, no viodintlu jentrâ îr di sere. Lis ricercjis a son tacadis sul cricâ dal dì. Sul puest di là des Flamis Zalis e dai Carabinîrs, i oms dal Socors alpin di Rabil e Mueç e i pompîrs. (A.D.G.) – 08.08.2022