137
Îr sere, tor des dîs, une machine cun dentri trê zovins e je lade fûr strade dilunc de Sp 35 a Pordenon, par dopo ribaltâsi tal bosc a plui o mancul 20 metris de cjarezade. Sul puest a son rivâts daurman i Vigjii dal Fûc di Pordenon che a àn cjatât doi zovins za fûr de auto, intant che il tierç al jere restât dentri, blocât de cinture di sigurece a cjâf in jù.
I Vigjii a àn taiât la cinture e tirât fûr il zovin, par po dopo puartâlu cuntune barele fin li de strade indulà che al è stât lassât tes mans dai infermîrs. Intant i pompîrs a àn metût in sigurece la machine e la zone dal incident. Sul puest a son rivâts ancje i carabinîrs pai rilêfs. (a.d.g.) – 10.02.2025
