Auto cuintri di un mûr a Tumieç

Incident grâf, intal prin dopomisdì, a Tumieç. Ae 1.45 une anziane e à pierdût il control dal automobil ae altece de taronde di vie Cartotecnica, terminant la sô corse cuintri di une abitazion. Intal impat violent, che nol à coinvolt altris mieçs o personis, la femine e je restade blocade intal abitacul.

Sul puest la scuadre dai pompîrs dal distacament di Tumieç, che a àn doprât lis cisoris idraulichis par taiâ i lamarins de veture e, dopo vê viert un varc, a àn estrat la feride, adun cul personâl sanitari. (A.D.G.) – 14.07.2022