Autist dal autobus cjapât a pugns a Grau

da Alessandro Di Giusto

Ancjemò un câs di violence sul traspuart public locâl. Cheste matine, inte stazion dai bus di Grau, un om al à colpît di daûr l’autist di une coriere, cun doi pugns al cjâf intant che al jere daûr a controlâ i biliets dai passizîrs intant che a montavin. Al è coventât l’intervent in emergjence dai sanitaris e des fuarcis dal ordin, che a àn fermât l’agressôr.
“Al è l’enesim compuartament grâf ai dams dai lavoradôrs dal traspuart”, al denunzie Antonio Pittelli, segretari gjenerâl Fit Cisl Fvg, a non di Filt Cgil, Uil Trasporti e Faisa Cisl. “O sin une vore preocupâts di cheste degjenerazion che e cjape dentri, magari cussì no, ducj chei che a lavorin a contat cul public, a sedin lôr autiscj, cjâfs di tren, machiniscj, controlôrs, personâl des bilietariis”. (ADG) – 13.09.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui