Vuê di matine il Comitât provinciâl pal ordin e la sigurece si è cjatât inte Prefeture di Udin par resonâ su lis misuris par da cuintri ai reats e al spaç di droghe.
Ator de taule si son sentâts il prefet Domencio Lione, il vicjari dal cuestôr Andrea Locati, il sindic di Udin Alberto Felice De Toni, il comandant de Polizie locâl Marco Muzzatti e i cjâfs provinciâi des fuarcis dal ordin. Invidats al incuintri ancje i rapresentants dal mandament di Confcommercio, presint cun Giovanni Piagni e Confesercenti (nol jere nissun).
Si è fevelât une vore dai steward tai locâi de citât. Cu l’aument des zonis rossis e il fat di doprâ personâl ausiliari, par esempli, tal prin trimestri dal 2026 a pet dai dâts dal 2024 a son miorâts ducj i indicadôrs sui reats fats a Udin: i omicidis a son stâts metûts a zero, lis robaris a son ladis ju dal 46% e lis rapinis dal 61%.
Su la taule ancje la cuistion dal vandal seriâl che al sta dant pinsîr a Laipà, che par chel a son stâts previodûts controi straordenaris tal cuartîr. (a.d.g.) – 10.07.2026
