Atlete judade dal Socors alpin dilunc de gare a Midun

Une femine di plui o mancul 40 agns vuê di matine e je stade socorude a Midun dai tecnics dal Socors alpin di Manià. La femine, dal Friûl Ocidentâl, atlete che e cjapave part ae gare di corse su la mont, si jere sintude mâl pôc dopo vê tacât a cori.

I volontaris dal Socors alpin che si cjatavin dilunc dal troi a son rivâts li de femine e le àn cjamade suntune barele e puartade par 700 metris fintremai li de partence, indulà che e je stade metude su la ambulance. (a.d.g.) – 29.08.2025