Arestâts suspiets afiliâts ae Mafie inte zone di Gurize

da Alessandro Di Giusto

Vue, sul cricâ dal dì, e je tacade une largje operazion antimafie fra Sicilie, Venit e Friûl-Vignesie Julie, che e à puartât al arest di 37 personis dentri di une largje operazion cuintri la associazion di Tortorici (Messina) ative inte aree dai Nebrodi. I 37 sugiets a son ritignûts responsabili di associazion di tipo mafiôs, associazion dedite ae coltivazion, acuist, detenzion, cession di droghis, estorsion, trasferiment fraudolent di valôrs, imbroi ingriviât pal otigniment di erogazions publichis in concors, ricicli e autoricicli, implei di bêçs, bens o utilitât di divignince ilecite, malversazione di erogazions publichis, falsetât ideologjiche fate di public uficiâl e tentade violence privade.

Lis misuris cautelârs a son stadis fatis dai carabinîrs dal Ros e dal Nucli par Tutele Agroalimentâr, dai Financîrs e de Squadra Mobile de Cuesture di Messina, dant esecuzion a une ordenance di custodie cautelâr mandade fûr dal Gip dal locâl Tribunâl, su domande de procure de Republiche. (a.d.g.) – 6.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui