La investigazion fate de Polizie di confin di Gurize, coordenade de Procure distretuâl Antimafie di Triest, e à permetût di blocâ doi oms impuartants che a cjapavin part a une organizazion criminâl che de Gjermanie e vuidave il traspuart ilegâl di migrants che a rivavin dal Medi Orient e che e domandave tra i 6 e i 8 mil euros par ognidun di lôr.
Lis indagjins a son tacadis daspò dai arescj fats tal Jugn dal an passât a Gurize, cuant che in dôs operazions a jerin stâts blocâts citadins serps che a stavin puartant siet sirians e di un citadin todesc che invezit al puartave altris dîs e doi turcs. Lis investigazions fatis adun cu la polizie slovene e todescje a àn permetût di identificâ une rêt criminâl che e veve la sô base in Gjermanie e che e doprave struturis di acet in Friûl-Vignesie Julie, ancje B&B par tignî i autiscj impleâts dilunc dai viaçs dai migrants de Slovenie bande de Italie e daspò bande de Gjermanie. (a.d.g.) – 02.07.2025
