Ae fin di Otubar, dilunc di une operazion par contrastâ la imigrazion clandestine, i agjents de Polizie Feroviarie di Tarvis a àn viodût une persone che e jere daûr a intratignisi in mût suspiet cun doi migrants su la banchine dal prin binari de stazion.
Fats i controi al è vignût fûr che i doi forescj a jerin citadins indians, jentrâts in maniere ilegâl in Italie dilunc de rote balcaniche e direts a Rome, intant che la tierce persone, un citadin austriac, ancje daûr des testemoneancis dadis di doi migrants, al jere il passeur che ju veve puartâts in Italie cu la sô machine.
I doi migrants a àn dit di jessi rivâts intal nestri Paîs doprant i servizis ufierts di une plateforme web che e permetarès di doprâ machinis privadis tra grups di personis par ridusi i coscj di traspuart, indicant intal citadin austriac l’autist che, in cambi di bêçs, ju veve judâts a passâ il confin. (ADG) – 23.11.2022
128
