Arestât un furlan che al filmave di platât lis fiis de compagne

Cuant che la sô compagne e à cjatât sul telefonin lis fotos e i filmâts des sôs fiis, fats di platât, e je lade di corse dai Carabinîrs par denunziâlu. A chel pont l’om al à cirût di disfâ il telefonin, ma i investigadôrs a àn rivât chel di stes a cjatâ cetantis fotos e filmâts des frutis, fats cun telecjamaris platadis e cence che lôr si inacuarzessin e in moments di intimitât.

L’om, che al è stât arestât dai Carabinîrs di Triest che a àn une sezion specializade par chest tip di reâts, al è cumò acusât di interference ilecite inte vite privade e al è a risi di une pene che e pues rivâ a cinc agns di preson. (a.d.g.) – 18.12.2025