Arestât om cjoc in bale che al stave pacant la femine

Sabide passade ai 21 di Jugn, te zone culinâr, un om forest di 39 agns, al è tornât a cjase cjoc in bale e, daspò ve barufât cu la femine, al à tacât a pacâle tal cjâf, par di plui denant dal fi piçul.

Sul puest a son rivâts in curt i carabinîrs che a àn arestât daurman l’om prime che al fasès alc di piês ae puarte femine. La siore e je stade puartade dal personâl dal 118 tal pront socors dal ospedâl, intant che l’om al è lât dret in preson e al è a disposizion de autoritât judiziarie. (a.d.g.) – 22.06.2026