Arestât lari adolessent a Triest

Un minôr di etât al è stât arestât a Triest par robarie ingriviade. Si trate di un fantat di 16 agns, blocât dai carabinîrs inta che al lave ator cun fâ suspiet tra lis machinis  in Largo Città di Santo. Il zovin al veve la muse taponade cuntun passemontagne e al veve ancje un curtis. L’arest al è stât fat ancje par ricetazion e puart no permetût di arme che a podeve ofindi.

L’alarme al è stât dât dai citadins che a vevin viodût doi oms, vistûts di scûr e cu la muse taponade, intant che a lavin ator des machinis. La segnalazion e à permetût cussì ai carabinîrs di rivâ daurman e blocâ un dai doi,dongje de stazion, intant che chel altri al à rivât a scjampâ. (a.d.g.) – 30.04.2025