Arestât in Venit il lari jentrât te farmacie di Codroip

I carabinîrs dal Nucli investigatîf dal comant provinciâl di Udin a àn arestât tal dopomisdì dai 21 di Fevrâr a Volpago del Montello, in provincie di Trevîs, il citadin forest che vie pe gnot dai 9 di Dicembar dal 2025 al veve fate la robarie inte farmacie di Codroip, adun cun altris.

Su la fonde des investigazions, i laris a jerin jentrâts daspò vê fiscât la vetrine cuntun modon grues e a vevin puartât vie plui o mancul 15 mil euros in contants. A judâ i carabinîrs lis testemoneancis e lis telecjamaris di control. L’om che al jere sparît de circolazion al è stât localizât in provincie di Trevîs e arestât daurman, par dopo jessi puartât te preson de citât venite. (a.d.g.) – 25.02.2026