Sabide ai 1 di Avost, sot sere, i carabinîrs che a jerin di patulie in vie Roma a Udin a àn viodût un om fûr di se che al tirave butiliis e pidadis cuintri des autos parcadis dilunc de strade. Daurman, judâts dai militârs che a jerin in vore pe operazion “Stradis siguris” a àn blocât l’om di 31 agns, forest e cence cjase. Chest ultin, dilunc des operazions di identificazion fatis par strade prime e tai uficis di viâl Trieste daspò, al à fate resistence menaçant i carabinîrs e rivant a bati un di lôr cun cetantis comedonadis.
Il sogjet al è stât cjapât e sierât intes cjamaris di sigurece dal Comant provinciâl, in spiete di jessi judicât vuê di matine. Il carabinîr pacât al à patidis feridis lizeris e al à scugnût fâsi curâ. (a.d.g.) – 03.08.2026
