Al è stât arestât cu la acuse di ve copât l’imprenditôr Mario Ruoso. Loriano Bedin, 67 agns, che al vîf a Daçan e colaboradôr dal imprenditôr, cjatât muart îr, al varès agjît par motîfs economics.
L’om al è stât cjatât inte sô cjase e puartat vie pe gnot inte Cuesture di Pordenon par jessi interogât. La Polizie di Stât e à ancje decidût il secuestri de sô machine, une Mercedes, e di une borse grande che e jere dentri.
I investigadôrs a àn daurman concentrât su di lui suspiets fuart daspò ve cjatât il cuarp dal imprenditôr dentri cjase, al setim plan de palacine indulà che al viveve, juste denant de concessionarie Garage Venezia.
Ruoso al varès viert la puarte di cjase a Bordin miercus di matine e al sarès stât agredît cuntune stangje di fier che e je stade cjatade pôc prime dal misdì di vuê dentri dal cors di aghe di vie San Simone a Prate. Colant, il vieli imprenditôr al à batût il cjâf cuintri dal cjanton di un mobil e il sassin al varès daspò continuât a bati la vitime sul cjâf fintremai a copâle. (a.d.g.) – 05.03.2026
