Arestât a Prosec rapinadôr rumen che al veve colpît a Biele

da Alessandro Di Giusto

Un malvivent che alveve rapinât un negoziant a Biele al è stât arestât dai Carabinîrs di Prosec pôc dopo jessi tornât in Italie. Mês indaûr l’om al jere jentrât intune cartolibrarie di Biele cu la scuse di fâsi regalâ un cartoncin e un penarel che i servivin par domandâ la limuesine. Dopo il dinei dal negoziant lu veve agredît fasintji pierdi i sens e al veve robât 450 euros de casse. Il sisteme di videocontrol al veve regjistrât dut, ma dal rapinadôr intant si jerin pierdudis lis olmis. A distance di timp lu à cjatât une patulie dai Carabinîrs di Prosec che lu à controlât intant che al jere suntun autobus di linie, pôc prime des Fiestis. L’om, un citadin rumen di 34 agns, al jere cirût parcè che al à di scontâ 2 agns e 6 mês par rapine e lesions personâls. I Carabinîrs dopo vêlu arestât lu àn puartât ae preson dal Coroneo a Triest. (A.D.G.) – 12.01.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui