Ai 3 Zenâr, i carabinîrs di Cordovât a àn arestât par cont de Cort di Vercelli un citadin albanês di 26 agns, B.A., che al jere a stâ a Morsan da lis Ocjis.
I judiçs piemontês a àn dât fûr un decret di condane cumbinade pal reâts fats dal om in Friûl e a Vercelli. Intal 2017, cuant che al veve dome 18 agns, il zovin al veve robât cinc euros a un frut de sô etât dilunc di une fieste dal paîs a Pasian di Pordenon.
Tal 2022, il zovin al à invezit fraudât un talian inte provincie di Vercelli par 500 euros, fasint fente di volê vendi une motociclete midiant di un sît internet.
Cuant che la Cort di Vercelli e à mandât di pôc il decret ae Stazion di Morsan, il zovin al veve za lassât la Italie. I militârs di Cordovât, però, a àn cjatât in curt il suspietât in Gjermanie e lu àn convinçût a tornâ in Italie intai lôr uficis. Il zovin al è cumò in preson a Pordenon, dulà che al varà di scontâ une condane di doi agns.
