70
Vie pe matine di îr i carabinîrs de stazion di Prate e àn cjatade fûr e arestade une citadine nigjeriane di 29 agns che e jere ricercjade in dute Italie e che e veve fat pierdi lis sôs olmis daspò jessi stade condanade par reâts di resistence e lesions a uficiâl public e spaç di droghis, reâts fats tra il 2020 e il 2021.
La femine che e veve vivût a Rome e che e veve doprât dute une schirie di non par no fâsi cjapâ, e je stade cjatade dentri de abitazion di un cognossinte e je stade identificade in maniere sigure in graciis des improntis digjitâls.
E je stade puartade te preson di Triest indulà che e varà di restâ par doi agns, 5 mês e 14 dîs. (a.d.g.) – 04.08.2026
