Arestade a Gurize une rumene par vê fat jentrâ in maniere ilegâl cuatri migrants

Dilunc dai controi a Sant Andree, une patulie de Polizia di Frontiera di Gurize, dopo vê viodût un furgon cun targhe rumene intant che al jentrave in Italie cun dentri cuatri passizîrs, e à comandât il stop.

Ae vuide e je stade cjatade une citadine rumene, di 43 agns, che e je stade arestade par vê judât la jentrade ilegâl in Italie di cuatri egjizians migrants cence documents.

Ae fin des proceduris di identificazion, la femine e je stade puartade inte preson di Triest a disposizion de autoritât judiziarie, intant che i citadins egjizians a son stâts denunziâts a pît libar pe jentrade ilegâl intal teritori dal Stât. (ADG) – 6.12.2022