63
Un arbul grues, muart di timp e frait, che al pesave toneladis, al è lat jù vuê sul cricà dal dî dongje dal numar civic 117 di vie Baldisseria Bassa a Udin.
Par fortune a chê ore, pôc dopo des 4 e mieze, nol passave nissun di chês bandis e nissun si è fat mâl. L’arbul, un pôl, al è colât di traviers su la strade, ma al à ancje danezât la cente di une proprietât. Sul puest a son daurman rivâts i Vigjii dal fûc che, doprant ancje une autogrue, a àn tirât vie de strade il tronc, cence che a fossin discomuts pe viabilitât e pericui pe int. (a.d.g.) – 24.06.2025
