Apalts iregolârs, sîs funzionaris denunziâts a Gurize

Sîs funzionaris di ents locâi de provincie di Gurize e un dipendent di une societât venite che a furnive i prodots dai apalts a son stâts denunziâts daspò des investigazions fatis de Vuardie di Finance coordenade de Procure de republiche di Gurize, inte suaze de ativitât di contrast ai ilecits inte spese publiche.

Sot dal voli dai financîrs a son ladis siet proceduris par comprâ corieris pes scuelis che si pense a vedin provocât une spese plui alte di un milion e 100 mil euros. I apalts, fats dai ents locâi e jerin ducj vinçûts de stesse societât che e veve la sô sede a Vignesie. (a.d.g.) – 04.06.2025