Un om di 27 agns, une vore sustât e cuntune feride inte gjambe, dilunc des operazions di socors al à dât cuintri a un infermîr e a un dipendent de Crôs Rosse. I doi sanitariis a àn patît consecuencis avonde griviis cun lesions che a podaran vuarî in cinc dîs.
Il sindicât Uil funzion publiche al à protestat par chest gnûf câs indulà che i infermîrs de struture di Monfalcon a son stâts bersai: “O stin valutant – al à dit il segretari regjonâl Stefano Bressan – di inviâ une cuerele cuintri dal agressôr parcè che a rivin cussì consecuencis concretis par ce che al è sucedût. Al è un episodi grâf che no si pues sopuartâ e che al dimostre ancjemò une volte trop che il personâl sanitari al sedi costret a lavorâ ogni dì in cundizions di risi simpri plui alt”.
Par blocâ l’agressôr al è stât fondamentâl l’intervent des fuarcis dal ordin che a àn daurman arestât l’om. (a.d.g.) – 20.04.2026
