Ancjemò une anziane vitime dai imbroions

Ancjemò un imbroi cuintri di un anzian. La vitime, une femine di 78 agns che e vîf a Codroip, e je stade clamade al telefon di un om che al faseve finte di jessi un carabinîr. Il delincuent al è spleât ae siore che so fi al veve causât un incident stradâl e che, par no finî tes rognis, la mari e varès vût di dâi une man paiant. Pôc timp dopo un om si è presentât denant de puarte de abitazion de femine e al à dit di jessi un avocat che al stave judant il fi. A chel pont la siore i à molât zoiis di aur par passe 5 mil euros. Nome plui tart la vitime e à discuviert l’imbroi e e à visât i carabinîrs. (a.d.g.) – 10.04.2024