I sindicâts a àn denunziât un altri câs di agression cuintri il personâl feroviari: “O vin savût di une gnove agression, sucedude intun tren che al viazave in regjon”, a denunziin intun comunicât Filt-Cgil, Fit-Cisl, Uiltrasporti e Orsa Ferrovie. “A vê la piês al è stât, come simpri, il cjâf di tren, colpevul di vê fat dome il so lavôr, controlant i biliets e cjatant la enesime persone violente”.
“Dome in graciis de sô sveltece e ae reazion imediade e je finide ben. Si augurìn che al puedi in curt cjatâ la serenitât par tornâ a lavorâ e che al sedi ricognossût a ducj i lavoradôrs dal setôr un ambient di vore sigûr. Al è nestri dovê solecitâ, ancjemò une volte, Trenitalia a ativâ subite une taule zontade in Prefeture a Triest intune cu lis parts sociâls, cemût che al jere stât fat. Si àn di inviâ altris azions par ridusi il pericul”. (ADG) – 24.11.2022
