La depression presinte su la Europe centrâl e continue a fâ rivâ corints umidis e instabilis di Sudovest. Tra miercus di sere e la prime matine di joibe al passarà un front che al determinarà une incressite de instabilitât. A son spietadis, duncje, precipitazions, ancje intensis.
Ae lûs des previsions, la Protezion civîl Fvj e à mandât fûr une alerte meteo zale pe planure e cueste pes consecuencis pussibilis di temporâi ancje fuarts, des 15 di vuê ae stesse ore di doman, joibe ai 29 di Setembar.
Ve chi intal detai lis previsions meteo dal Osmer Arpe Fvj: dal dopomisdì di vuê, miercus ai 28 di Setembar, e fin ae prime matine di doman, joibe ai 29 di Setembar, ploie sparniçade plui probabii su la fasse orientâl. Su la cueste temporâi probabii che diviers a podaran jessi ancje fuarts cun ploie intense e indurante. Al soflarà aiar di Sud moderât. (ADG) – 28.09.2022
