Ancje Aquilee in gare in Europe pal so patrimoni

Il Ministeri de Culture e à comunicât che a son 13 lis candidaturis presentadis pe “marche dal patrimoni european”, un ricognossiment cognossût ancje tant che “European Heritage Label”, finalizât a valorizâ, ogni doi agns, il patrimoni culturâl comun, par rinfuarçâ il sens di apartignince ae Union. Une Comission costituide di pueste e valutarà dentri dai 8 di Fevrâr dal 2023 i miôr sîts dal pont di viste de rilevance europeane, de cualitât progjetuâl e de capacitât operative e di gjestion. “«”O vin presentât la candidature – al marche Roberto Corciulo, president de Fondazione Aquileia – cuntun progjet corâl clamât ‘Aquilee, tiere di dialic’, cui valôrs europeans che la storie de citât e incjarne fin de antichitât”. (A.I.) – 28.12.2022