Ambulance intal fossâl dopo il scuintri cul auto a Montreâl

da Alessandro Di Giusto

Incident, cheste matine, a Montreâl: ae crosere tra vie Puint Juli e vie de Crôs une ambulance che e jere daûr a traspuartâ in codiç ros un pazient di Claut si è dade cuintri cuntune veture. Dopo il scuintri il mieç di socors si è poiât intal fossâl a ôr strade, intant che l’auto e je lade cuintri un arbul.

I infermîrs de Sores a àn inviât sul puest machine di emergjence mediche, dôs ambulancis e elisocors, di là des Vuardiis dal fûc. L’ecuipaç di trê personis de ambulance al è jessût fûr di bessôl dal mieç e al à ripuartât feridis par fortune no grâfs; i sanitaris a son stâts compagnâts al ospedâl di Spilimberc pes curis.

L’elicotar al à traspuartât al ospedâl di Udin il conducent de veture, ferît in mût seri, intant che il pazient inte ambulance al è stât puartât di corse al ospedâl di Pordenon. (A.D.G.) -12.01.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui