Cheste matine in Prefeture la prime riunion tra i rapresentants de Associazion nazionâl alpins, il prefet e i dirigjents provinciâi des Fuarcis dal ordin e dai Pompîrs in viste de adunade nazionâl dal 2023.
La delegazion de Ana, componude tra chei altris dal vicepresident nazionâl Gian Mario Gervasoni e dal president de sezion di Udin Dante Soravito, e à cjatât ancje il grup di lavôr de Prefeture che cun chel si rapuartarà dilunc di dut il percors organizatîf de novantesime cuarte adunade des ‘ Penis neris’ . Al è un avigniment di timp spietât inte capitâl furlane (par vie dal slitament imponût de pandemie) e si calcole che, viodût il leam fuart de Associazion cul popul furlan, al podarès riclamâ in citât passe 500 mil personis, come che sucedût intal 1996. (ADG) – 27.09.2022
