E je colade, e si è fate mâl, a pôcs metris de piche. Protagoniste dal incident une femine residente a Udin, tant che e passave un trat de ferade Sartor, dilunc dal mûr cretôs a pocje distance de piche de Mont Peralbe, intal comun di Sapade.
La femine e je marcolade par une desene di metris a cuote 2.620 metris dopo jessi sbrissade par vie de nêf presinte. E jere lade sù cuntun compagn di gjite dilunc de Ferade Sartor che e rimonte la cueste Est dal Peralbe e si jere distacade parcè la ferade e jere finide: l’ultin toc bande la cime e je cence cablis di sigurece parcè che no son tocs esponûts o dificii. Altris escursioniscj presints dongje de cime a son rivâts daurman par socorile.
Dopo la clamade al Nue 112 a son intervignûts in curt la stazion di Sapade dal Socors Alpin e Speleologjic, intune cul elisocors e la autoambulance. La alpiniste, restade simpri cussiente, e je stade traspuartade in elicotar al ospedâl Sante Marie de Misericordie di Udin. No je in pericul di vite. (ADG) – 19.11.2022
