43
Un alpinist venit di 21 agns al è restat ferît vuê, sul cricà dal dî tor des 5 e mieze daspò jessi colât a plui o mancul 1.400 metris di cuote, par un pôcs di metris par vie dal fat che al à molât un rimpin intant che al jere in rimpinade.
Il zovin adun cuntun amì al veve durmît tal bivac Greselin intal teritori di Cimolais e al stave fasint la vie normâl de Cime dai Previs. Al è stât il compagn a domandâ l’intervent dal Socors alpin, rivât sul puest cul elicotar dal elisocors regjonâl. Doi tecnics a son lâts ju cu la binte e a àn recuperât il zovin, che dopo al è stât puartât daurman tal ospedâl di Udin. (a.d.g.) – 04.05.2026
