94
Incident pardabon brut vuê di matine sul tart, cuant che un alpinist che si stave rimpinant su la creste de Cime Alte dal Riul Blanc, tal teritori di Tarvis, al è colât par passe trente metris. La cuarde di sigurece lu à fermât in timp, ma l’impat al è stât dut câs fuart provocant un traume al toraç e al flanc.
Al è stât dât daurman l’alarme e in pôc timp la centrâl de Sores e à fat movi l’elisocors regjonâl cui tecnics dal Socors alpin che a àn recuperât il ferît restat picjât intor de parêt. L’om al è stât puartât prime li dal bivac Gorizia par jessi stabilizât dai miedis e daspò puartat in svol tal ospedâl di Udin indulà che al è rivât in codiç ros. (a.d.g.) – 19.06.2026
