59
La Protezion civîl e à pandût fûr une alerte pal maltimp che al podarès bati la nestre regjon soredut tacant de sere di doman ai 2 di Jugn e par dute la gnot.
Dal dopomisdì a tacaran temporâi e ploiis su la mont, ma tor sere il lôr numar al deventarà plui alte, soredut, sul plan a deventaran plui fuarts cun ploiis ancje fuartis. A son previodûts aiarons fuarts che a rivaran dal Nord, ma za te matine dai 3 la situazion e varès di lâ in miôr.
Dut al è leât ae rivade di un front frêt dal nord che si darà cuintri al aiar umit e cjalt che al rive di Sud, cu la pussibilitât che a sedin ancje tampiestis e aiarons pardabon une vore fuarts. (a.d.g.) – 01.06.2026
