E je alerte meteo par doman, martars ai 22 di Novembar, cuant che su la nestre regjon si discjadenaran i efiets de basse pression che e je daûr a formsi sul Nord Italie. A son previodudis ploies difondudis, in gjenar intensis o ancje tant intensis, cun neveadis avonde a intensis parsore dai 1.000-1.200 metris plui o mancul su lis Prealps, parsore di 800 metris plui o mancul su lis zonis alpinis internis e probabilmentri fin a 600 metris in Valcjanâl. Su la marine e soflarà Buere fuarte o ancje tant fuarte, fin a 100-120 chilometris ae ore. Su dute la cueste aghe alte, cun plui probabilitât a Grau e a Lignan, dulà che a saran probabii ancje burascjadis.
Tancj osservatoris a sperin che la perturbazion che si sta par rivâ, al puedi vê un pericul di causâ aluvions limitât propit in graciis dal fat che in mont al nevei tant, limitant cussì l’ingruessiment imediât dai flums e dai torints. (ADG) – 21.11.2022
