Alarme pal sorvoli a basse cuote di un avion di linie, ma al è adestrament

Ativitât insolite intai cîi furlans. Un avion di Ita Airways, intal prin dopomisdì, al à sorvolât a dilunc la zone tra Sant Denêl e Flaiban, fasint une cuindisine di zîrs, cun centri te aree di Cosean.
L’avion al è stât scortât par une miezorute di doi Aermacchi MB-339, i stes avions doprâts des Frecce Tricolori.
La particolâr esercitazion e à atirât la curiositât di tancj citadins che, spaurîts, a àn scomençât a filmâ, telefonâ.
La base di Rivolt e à confermât ae nestre redazion che e je une ativitât di adestrament planificade. (A.D.G.) – 22.08.2022