Al torne il brut timp, alerte meteo di doman a dut vinars

Al somee propit che il timp nol vedi voie di meti judizi chest an. De Protezion civîl e rive ancjemò une volte une alerte meteo di colôr zâl, che e tacarà des 3 dopomisdì di joibe ai 30 di Mai fin ae miezegnot dal dì dopo.

E sta rivant une fuarte depression che e puartarà aiar umit e instabil. Il siroc sul Alt Adriatic al fasarà cressi la instabilitât. Si previôt ploie e temporâi tal dopomisdì di doman soredut su planure e cueste e vinars soredut in planure. A saran pussibii temporâi e ancje ploiis fuartis. (a.d.g.) – 29.05.2024