Al torne a cjase il frutin colât dal barcon, ma i gjenitôrs a podaressin jessi indagâts

A van miôr lis cundizions dal frutin di cuatri agns che îr di matine, in vie Menotti a Cjasarse, al jere colât di un barcon al prin plan de cjase indulà che al vîf cui gjenitôrs. Il piçul al jere stât traspuartât cul elicotar intal ospedâl di Udin e vuê al podarà tornâ a cjase. Il frut al jere montât suntun scagnut intun moment che i gjenitôrs no lu cjalavin e si jere svicinât a un barcon lassât un pôc viert. Par fortune, dopo jessi svolât par trê metris, al è rivât sul prât, che al à morestât la colade. Sul puest pes investigazions la Polizie locâl che cumò e mandarà une relazion ae Procure de Republiche. I gjenitôrs a podaressin jessi indagâts pal mancjât control dal piçul. (a.d.g.) – 15.03.2024