Al tire fûr de barconete de sô auto un chilo di droghe intant che i carabinîrs lu controlin

Al pesave un chilo e 200 grams il pacut plen di cocaine pure, butade fûr de barconete di un artesan rumen di 33 agns, che i carabinîrs dal Nucli radio mobil a stavin controlant dilunc de strade Çumpiel–Secuals, tal teritori dal comun di Çopule.

La droghe e jere ancjemò di preparâ prime di jessi vendude in dosis e che e varès fat vuadagnâ fin a 600 mil euros.

I carabinîrs si son però inacuarts dal fat e a àn daurman blocât l’om, che cumò si cjate ai arescj domiciliârs cul braçalet eletronic e a àn secuestrât dute la droghe. (a.d.g.) – 19.03.2025