Al rive l’Esercit dilunc des stradis di Udin

da Alessandro Di Giusto

A Udin, pe sigurece, al sarà ancje il jutori dal Esercit, cemût domandât la setemane passade de Aministrazion comunâl, daspò i ultins episodis violents inte zone di Borc Stazion. Al è cetant al è saltât fûr cheste matine de gnove riunion dal Comitât provinciâl pal ordin e la sigurece in Prefeture, dopo il prin incuintri di vinars passât.

Ae taule a jerin presints il Prefet, il Cuestôr, il Comandant provinciâl dai Carabinîrs, il Comandant provinciâl de Vuardie di Finance e i rapresentants dal Comun di Udin e il Comandant dal Intropament Fvj dal Esercit.

Il Comant militâr al è disponibil a lavorâ ufrint une cuviertidure cun mieçs atîfs su lis 24 oris intes areis di plui interès, come il cuartîr des Magnoliis e la zone de ex caserme Cavarzerani, daûr des indicazions concuardadis cu la Cuesture e in colaborazion cun chês altris fuarcis dal ordin che za a lavorin sul teritori. (ADG) – 25.10.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui