Ben doi intervents, un daûr che altri pai Vigjii dal fûc di Mugle e di Opicina
Tor des dôs dopomisdì une scuadre dai pompîrs di Mugle a son intervignûts dilunc di une strade blancje tal Comun di San Dorligo della Valle par studâ un fûc. A pene rivâts i Vigjii a àn daurman distudât lis flamis rivant cussì a blocâlis prime che a cjapassin il bosc, par dopo bonificâ dute la zone.
Un altri intervent al è invezit stât fat di une scuadre dai Vigjii dal fûc di Opicina dilunc de autostrade, tal teritori di Duìn Nabresine, ancje li parcè che si jere impiât un fûc tal bruscjam.
Il fat che a vedin dât daurman l’alarme e la rivade di corse di pompîrs al à permetût di distudâ i fûcs prime che a cjapassin il bosc.
Al somee dut câs strani che chei fûcs a si sedin impiâts pal cjalt che nol è avonde fuart e al podarès jessi che al sedi cualchi piroman in azion, come che al è sucedût tai agns passâts. (a.d.g.) – 18.06.2025
