Ripetizion dal reât e pericul di fuide. A son chescj i motîfs considerâts dal Judiç pes indagjins preliminârs di Triest, Marco Casavecchia, par confermâ la misure cautelâr in preson cuintri di Usama Usama, il citadin pakistan di 25 agns acusat di terorisim che al jere stât arestât dai Carabinîrs dal Ros vinars sul cricâ da dì dopo che al veve cirût di comprâ une pistole di un citadin bosgnac e al veve cjalât une schirie di videos su cemût fâ bombis.
Il zovin al jere controlât di timp pe sô ativitât sui Social indulà che al contave di jessin un aderent al stât islamic e al veve condividût robe che e esaltave la jihad.
Vuê di matine, ae presince dal Procuradôr cjâf Patrizia Castaldini e de Pm titulâr dal fassicul Cristina Bacer, il pakistan assistût dai avocats Andrea Cavazzini e Elisabetta Toso al à ribatût aes acusis e al à cirût di spleâ ce che al è sucedût, sotlineant che l’obietîf al jere di fâ arestâ un altri pakistan che al vîf in Italie. (a.d.g.) – 08.09.2025
