La Polizie Postâl e des Comunicazions di Gurize, cul coordenament dal Pm Letizia Puppa de Procure de Republiche di Udin, e à individuât, percuisît e dopo denunziât un om pal reât di Revenge Porn, fat cuintri di une zovine gurizane.
Cun tante malizie, l’om al jere rivât a ricjapâ par cualchi istant la fantate intun moment intim e privât, cence il so consens, par dopo mandâ fûr daurman il video suntun grup Whatsapp. Lis ripresis a jerin stadis metudis, in pocjis oris, su diviers grups sociâl, cressint cussì il dam per femine che e à scuviert di jessi stade vitime dal reât dome cuant che e je stade contatade di une amie.
La Polizie Postâl e consee aes vitimis di chest odeôs reât di reagjî, denunziant cun dute la tempestivitât che si pues. (ADG) – 23.09.2022
Al filme une femine di scuindon e al mande fûr il video. Om denunziât a Gurize
172
