Al fâs colâ un ciclist vierzint la portiere de auto e dopo vêlu judât al scjampe

da Alessandro Di Giusto

Un ciclist al è colât a tiere par vie de viertidure improvise de portiere di une Nissan, di pôc parcade su la bande diestre di viâl Volontari della Libertà a Udin.

La brute colade e je sucedude îr dopomisdì, tor lis 4 e mieze dal dopomisdì, e al à procurât a un om di 31 agns di origjin nigjeriane diviersis feridis. Il ciclist al è stât socorût daurman dal vuidatôr de auto, responsabil di vê viert la portiere cence prime controlâ la rivade di altris mieçs. L’automobilist, però, dopo vê judât il ciclist a tirâsi su’ e a movisi sul liston, cu la scuse di movi il veicul, a so dî parcât in mût iregolâr, si è slontanât, cence furnî lis sôs gjeneralitâts e chês altris informazions buinis pal risarciment. Eventuâi testemonis dal incident a son invidâts a contatâ la Polizie locâl di Udin. (a.d.g.) – 20.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui