Al cîr di fâ spese cence paiâ a Davian, arestât dai carabinîrs

Un talian al voleve fâ spese cence tirâ fûr un euro intal supermarcjât Conad a Davian, indulà che al vîf. Il lari, cuant che il diretôr dal negozi lu à becât sul fat, i à tirât un pugn in muse par dopo scjampâ. Montât su la sô auto, al è scjampât di corse, ma i carabinîrs de stazion locâl clamâts in jutori i son corûts daûr. L’om al è lât fûr strade e cussì lu àn arestât. Al varà di rispuindi di rapine improprie. (a.d.g.) – 12.03.2024