La rivade di un burlaç sul Friûl, vuê di matine, e à confermât lis previsions fatis îr cuant che la Protezion civîl e veve pandût une alerte zale.
I dams plui fuarts a son stât regjistrâts intes provinciis di Pordenon, di Udin e di Gurize. A son stadis passe 100 lis clamadis vudis dai Vigjii dal fûc tra lis 9 e lis 10.45 di matine.
Tal Friûl ocidentâl la plui part dai intervents e je leade a arbui malsigûrs o colâts, inagaments e dams aes struturis tai Comuns di Pasian, Vile di Flum, Çopule e Cjasarse.
Situazion simil ancje in provincie di Udin. L’aiaron al à fat dams di Cividât a Manzan, indulà che al è stât fiscât il cuviert di une cjase.
Discomuts ancje pai dams aes liniis eletrichis a Gonârs e Bicinins indulà che a son restats cence lûs, fintremai cuant che no son intervignûts i tecnics de Enel. (a.d.g.) – 17.07.2026
