Aiar masse incuinât, imponûts limits intal Friûl Ocidentâl

da Alessandro Di Giusto

A tornin in vore, tacant di doman, lis misuris di emergjence par contrastâ il smog par vie che i siei valôrs, daûr des ultimis rilevazions de Arpa, a àn fat regjistrâ di gnûf nivei preocupants. Fin a gnove comunicazion i Comuns dal Friûl Ocidentâl che a àn aderît al plan “Respirìn Pordenon” – Daçan, Cjasarse, Cordenons, Cordovât, Vile di Flum, Morsan des ocjis, Pasian, Purcie, Pordenon, Prate, Lavorêt, S. Quarin, S. Vît dal Tiliment e Çopule – a varan di vuardiâ par che e vegni ridote la temperadure intai edificis, che no vegnin impiâts stufis, cjaminets e fûcs al viert. Soredut la temperadure stabilide intai edificis e varà di jessi di no plui di 20 grâts in abitazions e uficis, di 18 intes fabrichis. A Pordenon – sabide escludude – no podaran lâ dentri dal ring i veicui plui incuinants. (a.d.g.) – 15.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui