Agression violente inte preson di Gurize cuintri di cinc agjents

Agression violente cuintri di cinc agjents de preson di Gurize îr vie pe matine, cuant che un presonîr i à dât cuintri doprant la gjambe di un taulin. I agjents a àn vût dibisugne des curis dal miedi. A contâlu al è il sindicât de polizie penitenziarie de Cisl Fvg.

“Cheste agression – e à dit pe Fns Cisl Fvg Antonietta Esposito – e mostre ancjemò une volte la vulnerabilitât di chest istitût, che par cause dal pôc personâl che une vore dispès si cjate a scugnî lavorâ cun pôcs coleghis, tant che al devente dificil vê a ce fâ cui presonîrs in sigurece”. (a.d.g.) – 26.06.2024